Imarsiornermi aalangersakkani (søloven) takuneqarsinnaavoq angallatit inuussutissarsiutitut atorneqartut qallunaat umiarsuarnut nalunaarsuiffianni nalunaarsorneqassasut:

• Angallatit 20-t sinnerlugit BT-eqarpata nalinginnaasumik taakku Danmarkimi umiarsuit nalunaarsorsimaffianni (Dansk Skibsregister) (DAS) nalunaarsorneqassapput
• Angallatit 0-illu 5-lu akornanni BT-eqarpat nalinginnaasumik tamatigut Angallatit allattorsimaffianni nalunaarsorneqassaaq
• Angallati 5 20-llu akornanni BT-eqarpat nalunaarsuiffiit taakku marluk akornanni piginnittoq nammineerluni qinersisinnaavoq
• Killigititat immikkut ittut nalunaarsornissamullu piumasaqaatit assersuutigalugu pramminut assigisaannullu atuupput (Søloven (SØL) § 11, stk. 3
• Kissaatigineqassappat umiarsuarmut qularnaveeqqusiinertaaq nalunaarsorneqassasoq, taannalu tallimat (5) sinnerlugit BT- eqarpat, taava umiarsuaq DASimi nalunaarsorneqassaaq, tassa Angallatit allattorsimaffianni pisinnaatitaaffiit nalunaarsorneqarsinnaanngimmata. Umiarsuarni tallimat (5) ataallugit BT-eqartuni inuussutissarsiutitut atorneqartuni qularnaveeqqusiineq taamaallaat Personbogenimi Tinglysningimi pisinnaavoq

Avannaata Kommuniata, Kommuni Kujalliup, Qeqqata Kommuniata Kommuneqarfillu Sermersuup umiarsualiviisa ilisarnaataanik normunik aalisariutinut tunniussisarput, taamaasillutik paasitillugu aalisariut kommunemi sorlermi angerlarsimaffeqartoq. Taamaasiornermikkut kommunet akisussaalertarput normumik tunniussinerminni tamanna Umiarsuit nalunaarsorsimaffianni (SRG@dma.dk) pinerit tamarluinnaasa tamanna nalunaarutigisussaagamikku, tassa umiarsualiviit normuanik tunniussinermi aamma utertitsinermi nalunaarsuutit Umiarsuit nalunaarsorsimaffiannut nalunaarutigisartussaagamikkit, umiarsuullu nunami sumn-nngaaneernera ilanngullugu.

Umiarsuit nalunaarsorsimaffiata umiarsuit Nuummi angerlarsimaffeqartut umiarsualiviup normuanik tunisarpai. 

Umiarsualiviup normuanik immikkut ittumik perusukkaanni, taannalu kommunemi pineqartumi pineqarsinnaappat, taava taassuma qinernissaa ajornaquteqanngilaq. Nuummi umiarsualiviup ilisarnaataa (Gr 6) inniminnerneqarsinnaavoq soorlu Umiarsuit nalunaarsorsimaffiat e- mailerfigineratigut allaat ukiut marluk atuutilerfissaa sioqqullugu.

Allannermi nalunaarutigineqassaaq kimut/ kikkunnut piginnittuusunut umiarsuarmulluunniit, imaluunniit umiarsualiviup normua suna inniminnerneqarniarnersoq.Umiarsualiviup normua inniminneraanni taava taanna allanut tunniunneqarsinnaanngilaq.

Umiarsualiviup normuata ilisarnaataa nalunaarsorneqassaaq umiarsuup aalisariutitut atorneqarnissaannut piumasaqaatit piugaangata aamma umiarsuaq taassumalu piffissami tassanerpiaq piginnittua nalunaar- sorneqarpata. Umiarsuaq aalisariut Kalaallit Nunaanni angerlarsimaffeqartoq nalunaarsorneqassappat piumasaqaataavoq nalunaaruteqarnissaq soorlu kommunemiit illoqarfiup umiarsualiviata normuanik pissarsisimaneq pillugu.Nalunaarsuinerit tamarmik Søfartsstyrelsenimut (Imaani angallanermut aqutsisoqarfik) pisarput.

Nalunaarsuut naammassissagaanni taava Skibsregistret makkuninnga nassinneqartariaqarpoq:

Malugalugu! Elektroniski isumaqarpoq immersugassaq atsiorneqarsimassasoq NEM-ID atorlugu, aamma VIRK.DK-llu hjemmesidea atorlugu uatsinnut nassiunneqarsimassalluni

Søfartsstyrelsenip nittartagaani nalunaarsuutinut immersugassat nassaarineqarsinnaapput

Tassanissaaq paasissutissat qallunaanut akuerisaasunut målebreve- liorsinnaasunut nassaarineqarsinnaapput

https://www.soefartsstyrelsen.dk/SynRegistrering/Autorisationer/HvemA utoriseret/Documents/M%c3%a5ling%20af%20skibe.pdf

Malugalugu, immersugassat tamarmik (taamaallaat ataatsimoorullugu immersugassaq pineqanngilaq), elektroniskimik nassiunneqartut elektroniskimillu NEM-ID atorlugu inummik tassannga / inunnit taakkunanit atsiorneqarsimassallutik umiarsuup piginnittua sinnerlugu. Immersukkat virk.dk. atorlugu Umiarsuit nalunaarsorsimaffiannut nassiunneqassapput Immersugaq elektroniskimik nassiunneqartoq aatsaat ajunngitsumik Umiarsuit nalunaarsorsimaffianni tiguneqarnerminit nassiussisumut tiguneranik uppernarsaammik journalnormulimmik nassinneqarnikkut akuerineqartarpoq. Journalnormut ukiumik pineqartumik aallarniuteqartuaannarput, taassumalu malittarisarpai kisitsisit allat arfinillit – tassa katillugu kisitsisit qulit - assersuutigalugu 2019000132. Immersugassat nassiunneqartut aamma originaliusinnaapput atsioriarlugit anillatsinneqarsimasut (immikkoortup tullia takuuk).

Allagartat uppernarsaatit nassiunneqartussat originaliuppata, taakkuttaaq inummit pineqartumit /inunnit pineqartunit originalinik atsiorneqassapput piginnittoq sinnerlugu. Tamatigut peqqissaartumik atsiornerit ersarissuussapput (naqinnerit angisuut/ naqitsit imlt.maskiina) kina atsiortuusimanersoq takuneqarsinnaaqullugu.Tamatigut piumasaqaataavoq nuliaasup/ uiusup, aapparisap, pisisup aamma tunisisup uppernarsaalluni atsioqataannginnissaa. Taamattaaq pingaartuuvoq najukkap aqqa tamarmi atuarneqarsinnaasumik allanneqarnissaa.

Immersugassat peqqissaartumik tamakkiisumillu tamatigut immersortaruk.

Immersugassavit ajunngitsumik immersorsimanera nalornissutigileraluarukku taava Umiarsuit nalunaarsorsimaffiat attavigisinnaavat normu una atorlugu: + 45 72 19 60 00 imlt. e-mail: SRG@dma.dk, taamaasiornikkut nalorngisavit kopiia kakkersakkatut ilanngutissavat.

allagartat uppernarsaatit Umiarsuit nalunaarsorsimaffiannit piginnaatitaanermut tunngasunik pilersitsisoqarsimaneranik uppernarsaatinik tigusaqarnikkut – soorlu piginnittuunermut uppernarsaat, qularnaveeqqusiinermut uppernarsaatit,, S- imlt. R nalunaarutiginninnerit, Umiarsuit nalunaarsorsimaffiat allagaatimut ullorsiutinut normumik tunniussisarpoq. Qanoq pilertortigisumik dagbogsnormup tunniunneqarnera apeqqutaatillugu piginnaatitaaffiit illersorneqarneri atuutsilersarput tassa allassimasuutigineqalerneq kingunerisarmagu.

Umiarsuit nalunaarsorneqarsimasut allassimanerinit nungutinneqarsinnaapput ima pisoqartillugu:

1. Umiarsuaq piginnittumut qallunaajunngitsumut tunineqarpat. Immersugassaq S 4 atorlugu, taassumalu kopiia piginnittuunermullu allagartaq Umiarsuit nalunaarsorsimaffiannut nalunaarutigineqassapput (imlt.tunniunneqarneranut uppernarsaat alla atorlugu).
2. Umiarsuaq umiuppat . Tamanna Umiarsuit nalunaarsorsimaffiannut Immersugassaq S 5 atorlugu, umiiusimaneranullu uppernarsaat kakkiullugu, soorlu aviisitigut allaaserineqarsimanera, politiinit nalunaarusiat imlt.assit ilanngunnerisigut, taakkunani ersarissumik takuneqarsinnaassaaq umiarsuaq suna pineqarnersoq aamma susoqarsimanera. Poliit nalunaarusiat ilanngunneqarsinnaapput, politiit oqaaseqaataat imlt. umiarsualivimmi oqartussaasut oqartussaalluunniit allat.
3. Umiarsuaq isaterneqarpat. Tamanna Umiarsuit nalunaarsorsimaffiannut Immersugassaq S 6 atorlugu nalunaarutigineqassaaq. Eqqaamallugu immersugassaq Søfartsstyrelsenimiit uppernarsarneqassammat, taassumallu ataani umiarsuarnik uuttuutinit Søfartsstyrelsenimit piginnaatinneqartunit, umiarsualivimmi oqartussanit, politiinit, Namminersorlutik Oqartussanit imlt. inuussutissarsiornikkut siunnersortimit Kalaallit Nunaanni kommunit arlaaneersumit.

Pisuni tamani 1 – 3-mi atuuppoq, umiarsuup aatsaat allassimanera nungutinneqarsinnaasoq qularnaveeqqusiinikkut uppernarsaatit allassimasuutit nungutinnerisigut imlt. originalimik akuersissutit atsiornikut, qularnaveeqqusiisimasunit atsiorneqarnikut umiarsuup qularnaveeqqutillup piginnittuminiit qularnaveeqqusiisimaneranut allassimaffiinit piginnaatinneqarnikkut.